Ukraina Bosh shtabi: Rossiya armiyasidan yana 350 askar halok boʻldi
Ukraina Bosh shtabi 24-fevraldan 11-maygacha Rossiya armiyasi qanday yo‘qotishlarga uchragani haqida ma’lumot berdi.
Rus armiyasi Ukrainada 26 ming 350 askaridan ajradi. Shuningdek, urush davomida ruslar 199 ta uchoq, 160 ta vertolyot va 1 ming 187 ta tankini qoʻldan boy berdi.
Ukraina Bosh shtabi 24-fevraldan 11-maygacha Rossiya armiyasi qanday yo‘qotishlarga uchragani haqida ma’lumot berdi.
Shunga ko‘ra, Ukrainaga qarshi hujum uyushtirgan Rossiya armiyasidan oxirgi 24 soatda yana 350 askar halok boʻlgan. Natijada rus armiyasidan bugungacha 26 ming 350 askar halok bo‘lar ekan ruslarga oid 199 ta uchoq, 160 ta vertolyot, 1 ming 187 ta tank, 2 ming 856 ta zirhli vosita, 528 ta og‘ir qurol, 185 ta raketa otish tizimi va 87 ta havo mudofaa tizimi yo‘q qilingan.
Rossiya kuchlari shuningdek 1 ming 997 ta mashina, 12 ta kema va tezyurar qayiqlar va 390 ta insonsiz havo transportini ham qo‘ldan boy bergan. Bunga qo‘shimcha sifatida ruslar uloqtirgan 94 ta qanotli raketa ham Ukraina havo mudofaa qismlari tomonidan yo‘q qilingani qayd etildi.
Rossiya Mudofaa vazirligi tomonidan 25-mart kuni berilgan bayonotda, Ukrainada 1 ming 351 nafar rus askari halok bo‘lgani ma’lum qilingandi.
Eslatib o‘tamiz, rus askarlari 24-fevral kuni Ukrainaga qarshi harbiy harakat boshlatgandi.
