Filippinda harbiy yuk tashuvchi samolyot qulashi oqibatida 50 kishi halok bo'ldi
Filippin Qurolli Kuchlarining C-130 Hercules samolyoti kecha, mahalliy vaqt bilan soat 11:30da Sulu provinsiyasidagi Xolo orolida qo`nishga kirishish chog`ida halokatga uchradi.
Filippinda harbiy yuk tashuvchi samolyot qulab tushishi oqibatida qurbonlar soni 50 nafarga yetdi.
Mamlakat Mudofaa vazirligi vakili general Korleto Vinluan xabariga ko`ra, dastlab voqea joyida 17 kishining jasadi topilgan. 49 kishi qutqarilib, turli jarohatlar bilan kasalxonalarga etkazilgan.
Vinluanning so`zlariga ko`ra, samolyot bortida odamlardan tashqari, beshta jangovar mashina ham bo`lgan.
Filippin Qurolli Kuchlarining C-130 Hercules samolyoti kecha, mahalliy vaqt bilan soat 11:30da Sulu provinsiyasidagi Xolo orolida qo`nishga kirishish chog`ida halokatga uchradi. Samolyot mintaqada terrorizmga qarshi kurash uchun harbiy xizmatchilarni orolga olib uchgan. Mudofaa vazirligi ma`lumotiga ko'ra, samolyot bortida 96 kishi bo'lgan. Ulardan 3 nafari uchuvchi, 5ta ekipaj va 88 ta harbiy xodim bo`lgan.
Guvohlarning aytishicha, hodisa yuz berishidan oldin bir necha harbiy samolyotdan sakrashgan.
Dastlabki ma`lumotlarga ko`ra, qo`nishga urinish chog`ida samolyot balandligini yo`qotgan va uchish-qo`nish yo`lagigacha borib etmagan. Qulab tushganidan keyin samolyot yonib ketgan, voqea joyida qutqaruvchilar va boshqa shoshilinch xizmatlar xodimlari ishlamoqda.
