Armanistonda norozilik namoyishlari davom etmoqda

Armanistonda hukumatga qarshi norozilik namoyishlari davom etmoqda. Namoyishchilar bosh vazir Nikol Pashinyanning iste’fosini talab qilishmoqda.

Poytaxt Yerevandagi Respublika maydonida o’tkazilgan mitingga yog’ingarchilikka qaramay, yuzlab namoyishchi qatnashdi. Muxolifat norozilik namoyishi Pashinyan iste'foga chiqmaguniga qadar davom etishini ma’lum qildi.

Eslatma: 10 noyabrda Tog‘li Qorabog‘da o‘t ochishni to‘xtatish to‘g‘risidagi bayonot imzolanganidan buyon Armanistonda Pashinyanning iste'fosi talab qilingan miting va namoyishlar bo‘lib o‘tmoqda. Tog’li Qorabog’ hududining katta qismi Ozarbayjon nazoratiga o‘tdi. Muxolifat ushbu kelishuvni Armanistonning taslim bo‘lishi deb hisoblamoqda.