Eronda dezinfeksiyalovchi tozalik ashyolaridan zaharlangan 3 kishi vafot etdi
"So'ngi kunlarda koronavirusga qarshi chora-tadbirlar doirasida ko'p ishlatilayotgan tozalik kukunlari bilan dezinfeksiyalovchi tozalik ashyolarining aralashtirilishi natijasida zaharlanish holatlari kuzatilmoqda. Bu xavotirlanarli",-deydi mutahassislar.
Eronda dezinfeksiyalovchi tozalik ashyolari aralashtirilgan holda yopiq joyda qo'llanilishi tufayli zaharlangan 3 kishi hayotdan ko'z yumdi.
Bu haqda Shahrikurd Tibbiyot universiteti rektori Majid Shironiy ma'lum qildi.
"So'ngi kunlarda koronavirusga qarshi chora-tadbirlar doirasida ko'p ishlatilayotgan tozalik kukunlari bilan dezinfeksiyalovchi tozalik ashyolarining aralashtirilishi natijasida zaharlanish holatlari kuzatilmoqda. Bu kabi qorishimlarning Chaharmahal-Bahtiyoriy viloyatida yopiq joyda qo'llanilishi oqibatida 3 kishi hayotdan ko'z yumdi",-deb ma'lum qiladi Majid Shironiy.
Ta'kidlanishicha, viloyatda tozalik mahsulotlaridan o'pka zaharlanish holati kuzatilmoqda va bu xavotirlarga sabab bo'lmoqda.
Ma'lumot uchun: Eronda koronavirusdan himoyalanish maqsadida qalbaki spirtli ichimliklardan zaharlanganlar soni 1000dan oshdi, vafot etganlar soni esa, 219 kishiga yetdi.
