Eron prezidenti koronavirusni “kutilmagan mehmon”ga o’xshatdi

Eron prezidenti Hasan Ruhoniy mamlakatda o’lim holatlariga sabab bo’lgan “Kovid-19” koronavirusini “kutilmagan mehmon”ga o’xshatdi.

Xalqni vahima va sarosimaga berilmasligini va sog’liqni saqlash vazirligining buyruqlariga to’la itoat qilishini talab qilgan Ruhoniy: “Korona influenza B virusidan ham tahlikaliroq emas. Biz buni oshib o’tdik va koronani ham bartaraf etishga qurbimiz yetadi. Koronavirus kutilmagan mehmondek keldi va butun davlatlarga tarqaldi”,-dedi.

Eslatish joizki, Eronda yangi turdagi (Kovid-19) koronavirusdan yana 4 kishi vafot etdi. Shu bilan mamlakatda qurbonlar soni 16 kishiga yetdi.