Rossiya tashqi ishlar vaziri Sergey Lavrov Shimoliy Koreyaga safar qiladi
Tashrif chog’ida Sergey Lavrov Shimoliy Koreya tashqi ishlar vaziri Li Yon Xo bilan ikki tomonlama kun tartibi va Koreya yarim oroli atrofidagi vaziyatni muhokama qiladi.
Rossiya tashqi ishlar vaziri Sergey Lavrov ertaga 31 may kuni rasmiy tashrif bilan Shimoliy Koreyaga safar qiladi.
Rossiya tashqi ishlar vazirligi bu haqda ma’lum qildi.
“Rossiya Federatsiyasi tashqi ishlar vaziri Sergey Lavrovning 31 may kuni Koreya Xalq-Demokratik Respublikasiga rasmiy tashrifi amalga oshiriladi”,-deyiladi ma’lumotda.
Ta’kidlanishicha, tashrif chog’ida Sergey Lavrov Shimoliy Koreya tashqi ishlar vaziri Li Yon Xo bilan ikki tomonlama kun tartibi va Koreya yarim oroli atrofidagi vaziyatni muhokama qiladi.
Shuningdek, muhim mintaqaviy va xalqaro muammolar yuzasidan fikr almashiladi.
Avvalroq, AQSh prezidenti Donald Tramp Shimoliy Koreya yetakchisi Kim Chen In bilan 12 iyunda Singapurda rejalangan uchrashuvini bekor qilganligini ma’lum qilgandi.
Biroq, keyinchalik Shimoliy Koreya va AQSh delegatsiyalari prezident Donald Tramp va Shimoliy Koreya yetakchisi Kim Chen Inning ehtimoliy uchrashuviga doir diplomatik tayyorgarlikni tezlashtirgan edi.
Aloqador xabarlar
Rossiya bilan Shimoliy Koreya o‘rtasida muhim shartnoma imzolandi
Vladimir Putin poytaxt Pxenyanda Shimoliy Koreya yetakchisi Kim Chon In bilan uchrashdi.
