Afg’onistonning Samangan viloyatidagi ko'mir konida ko'chki sodir bo'ldi
Ko’chki paytida konda mehnat qilayotgan 10 ishchidan 4 nafari tirik qolgan, 5 nafarining jasadi topilgan. Konda qolib ketgan bir ishchi esa qidirilmoqda.
876623
Afg’oniston shimolida joylashgan Samangan viloyatidagi ko’mir konida ko’chki sodir bo’ldi.
Ko’chki oqibatida ishchilardan 5 nafari halok bo’ldi.
Bu haqda Samangan hokimiyati kotibi Siddiq Aziziy ma’lum qildi.
Ma’lumotga ko’ra, fojia Samangan viloyatiga qarashli Dere-i Suf Bala tumanidagi Dehene-i Tura ko’mir konida ro’y bergan.
Ko’chki paytida konda mehnat qilayotgan 10 ishchidan 4 nafari tirik qolgan, 5 nafarining jasadi topilgan.
Konda qolib ketgan bir ishchi esa qidirilmoqda.
Ta’kidlanishicha, viloyatdagi ko’mir konlarining aksariyati noqonuniy ravishda faoliyat yuritmoqda.
