Yaman-Saudiya Arabiston chegarasida otishma...

Yamanning Taiz shahrida yoqilg’iga to’la bochkaning portlashi oqibatida 13 kishi hayotdan ko’z yumdi.
To’qnashuvlar Yaman-Saudiya Arabiston chegarasida davom etmoqda.
Saudiyalik vakillarning aytishicha, chegaraning qarshi tomonidan o’q uzilgan va 1 fuqaro hayotdan ko’z yumgan, 2 fuqaro tan jarohati olgan.
Bundan tashqari, mamlakatda koalitsiya kuchlari tomonidan Husiylarga qarshi yuritilgan harbiy amaliyot davom etmoqda.
Saudiya Arabiston boshchiligidagi koalitsiya samolyotlari Husiylarga qarshi havodan hujum qilmoqda.
Bombardimondan so’ng, Husiylarni qo’llab quvvatlagan sobiq davlat rahbari Ali Abdullah Salihning uyi joylashgan hududdan chang-to’zon ko’tarilgan.
Hujumlar paytida Yamandagi Eron elchixonasi yaqiniga 2 ta roketa tushgani aytilmoqda.
Bu hodisadan so’ng, Eron Tashqi ishlar vazirligi Saudiya Arabiston maslahatchisini huzuriga chaqirib, rasmiy ogohlantiruv bergan.