21.01.2021
bügünki chet el metbuatliridin tallap teyyarlighan qisqiche xewerlirimiz töwendikiche:
gérmaniyening «‹Zdf.de› xewerler tori», gérmaniye pirézidénti frank-waltér stéynméyérning jo baydénning amérika pirézidéntliqi wezipisini bashlighanliqidin memnun bolghanliqini bildürgenlikini xewer qildi.
gérmaniye awazi radiyosi gérmaniyede erkek chöjilerni yoqutush meniy qilinidighanliqini xewer qildi.
gérmaniyening ‹Sueddeutsche. Zeitung› xewerler tori», gérmaniyediki ammiwi qatnash wastiliri we dukanlarda «FFP2» (maska tipi) yaki tibbiy maskilarning mejburi halgha keltürülidighanliqini xewer qildi.
ispaniyede chiqidighan «‹La Vanguardia› géziti», ispaniyening paytexti madrid sheher merkizidiki bir binada yüz bergen partlashta az dégende 3 kishining qaza qilghanliqini xewer qildi.
ispaniyede chiqidighan «‹El Pais› géziti», amérikaning yéngi pirézidénti jo baydénning barliq amérikiliqlarni «hemmini qaytidin bashlashqa» chaqiriq qilghanliqini xewer qildi.
wénézuélada chiqidighan «‹TeleSur› géziti», wénézuéla pirézidénti nikolas maduroning dölet mejlisini amérika bilen bolghan munasiwetlerni qaytidin bashlashqa chaqirghanliqini xewer qildi.
firansiyede chiqidighan «‹lé parisén› géziti», firansiyening yawropa ittipaqi döletliridin kélidighan (kelgüsidiki) yoluchilar üchün kowid-19 tekshürishini mejburi halgha keltürüshni oylishiwatqanliqini xewer qildi.
firansiyede chiqidighan «‹lé mondé› géziti» firansiye parlaméntining sehiye sahesidiki jiddiy haletning mudditini uzartishni testiqlighanliqini xewer qildi.
firansiyede chiqidighan «‹lé figaro› géziti», «CFCM» (firansiye islam kéngishi) ge qarashliq üch fédératsiyening (firansiyede) islam (pirinsipliri) nizamnamisi höjjetlirige hazirqi shekilde imza qoyushni ret qilghanliqini xewer qildi.
qatarning eljezire téléwiziye qanili, «amérikada qesem bérish murasimidin kéyin» serlewhilik xewiride, israiliye bash ministiri bényamin nitaniyahuning (amérikaning yéngi pirézidénti) jobaydénni iran bilen yüzlishishke chaqirghanliqi bildürüldi.
«‹elqudsul erebi› géziti», (amérikaning sabiq pirézidénti) donald trampning baydén wezipige olturushtin bir saet ilgiri ereb birleshme xelipilikige tolimu paydiliq chong qoral-yaragh kélishimi imzalighanliqini xewer qildi.
«‹errayel qeteriyye› géziti», misirning qatar bilen bolghan diplomatik munasiwetlerning qaytidin bashlanghanliqini jakarlighanliqi xewer qildi.
rusiyening «kommérsant géziti», 2020 - -yilida rusiyege kelgen chetellikler sanining 2019 - yiligha sélishturghanda %70 azayghanliqini xewer qildi.
rusiyening «‹RIA Novosti› agéntliqi», nasaning rusiyediki wekillik ishxanilirining sanini azaytmaqchi boliwatqanliqini xewer qildi.
«rusiyede bügün géziti»: rusiye fédératsiyesi uchur téxnika we ammiwi alaqe nazaretchilik orgini (Roskomnadzor) ning «rusiye ijtimaiy alaqe tori VKontakte te hembehirlengen (türmidiki öktichi alékséy nawalniyning qoyup bérilishi üchün qilinghan) namayish chaqiriqlirini öchürüshini telep qilghanliqini xewer qildi.
