ayasofyada «fetih sürisi» oquldi
istanbulning pethi qilinishining 567 – yilliq xatire küni munasiwiti bilen ayasofyada «fetih sürisi» ni oqush murasimi ötküzüldi.
türkiye awazi radiyosi xewiri: osmanli impériyesining 7 – padishahi fatih sultan mehmet 1453 – yili sheherni pethi qilghandin kéyin tunji jüme namizi oqughan ayasofyada ötküzülgen «fetih murasimi» da «fetih sürisi» oquldi.
murasim, uchquchisiz hawa apparatliri teripidin süretke élinghan, fatih sultan mehmetning istanbulni pethi qiliwatqanda paraxotlarni quruqluqtin qozghatqan yollardin ötüp, ayasofyagha yétip barghan körünüshlerning körsitilishi bilen bashlandi.
2 – mehmetning uda 54 kün dawamlashqan muhasirisidin kéyin, istanbulning 1453 – yili 29 – may seyshenbe küni pethi qilinishidin kéyin tunji jüme namizi oqulghan fetihning simwoli ayasofyada «fetih sürisi» tilawet qilindi. andin ammiwi dua qilishqa jumhur reis rejep tayyip erdoghanmu jür boldi.
widéo konférans wasitisi arqiliq türkiye xelqige xitab qilghan erdoghan, fetih herikitining weyran qilishning emes, güllendürüshning, buzghunchiliqning emes, awat qilishning, zulumning emes, adaletning, nomussizliqning emes, ésil peziletning, nepretning emes, muhebbetning simwoli ikenlikini tekitlidi.
erdoghanning nutiqidin kéyin, ayasofyaning aldigha qurulghan supida «istanbulning pethi qilinishi» témiliq xerite körsitish murasimi ötküzüldi.
«fetih murasimi» tarixiy yérim araldiki étildaq paaliyiti bilen axirlashti.
murasim, jumhur reislik sariyi bilen uchur - alaqe ishliri bashqarmisining « YouTube» qanalliri we ammiwi taratqulardiki sehipiliridin hem téléwiziye qanalliridin neq meydandin tartqitildi.
