bügünki namayishta xongkongni xitaydin musteqil qilish herikitining lozinkisi échildi
xitayning xongkong alahide memuriy rayonida hökümet teripidin maska taqashni cheklesh qanuni yolgha qoyulghanliqigha qarimastin, bügün yüzligen maskiliq namayishchi namayish ötküzdi.
türkiye awazi radiyosi xewiri: ötken yili qamaqqa élinghan lékin aliy sotqa erz qilghanliqi üchün bügün qaytidin sot qilinmaqchi bolghan bir xongkongluq kishilik hoquq paaliyetchisining sot esnasida, mehkime aldida maskiliq namayishchilar namayish ötküzdi. xongkong yuqiri sot mehkimisi aldida yüzligen kishi toplashti.
2016 – yili yüz bergen bir qétimliq namayishta saqchilar bilen namayishchilar otturisidiki toqunushning chiqishida muhim rol oynighanliqi ilgiri sürülüp, 2018 – yili iyun éyida 6 yilliq qamaq jazasi bérilgen édward léyung isimlik paaliyetchining soti jeryanida, namayishchilar xitaygha qarshi shoarlani towlidi.
namayishchilar léyungning qamaq jazasigha höküm qilinghanliqigha qattiq nazariliq bildürüp, uning qoyup bérilishini teleb qildi.
namayshchilardin beziler xongkongning xitaydin musteqil bolushini telep qilidighan melum bir heriket rehbirining resimi chüshürülgen chong lozunkilarni achti.
jenubiy xitay seher pochtisi gézitining xewer qilishiche, namayish jeryanida bezi métro béketlirining éghir ziyangha uchrighanliqi sewebidin mulazimet qilmighanliqi uqturulghan.
alaqidar mesullar kisin tong merkizi békitining pütünley örülüp chüshkenlikini we xizmettin toxtitilghanliqini élan qilghan.
namayish cheryanida, métro békitining mulazimettin toxtitilishigha naraziliq bildürüp, bezi métro béketlirining kirish éghizigha ot qoyup bergen namayshichilarning, métro béketlirining dérizilirini we élan taxtilirini chéqip, bilet oqush üskünilirige ziyan salghanliqi, ot öchürüsh eswaplirini qomurup tashlighanliqi hemde mong kong we kiwun tong métro béketlirini eng éghir ziyangha uchratqanliqi ilgiri sürüldi.
xongkong tömür yoli idarisi shenbe we yekshenbe künliri ötküzülgen namayishlarda, namayishchilar éghir ziyan salghan béketlerni qaytidin ongshash xizmetlirining dawamlishiwatqanliqini bildürdi.
مۇناسىۋەتلىك خەۋەرلەر
