polsha bélarusiye bilen rusiye chégrasigha istihkam we panah jaylarni berpa qilidu
polsha dölet mudapie ministiri wladislaw kosiniyak-kamiysiz bélarusiye bilen rusiye chégrasigha istihkam we panah jaylarni berpa qilidighanliqlirini éytti.
türkiye awazi radiyosi xewiri: ministir wladislaw kosiniyak-kamiysiz «‹ZET› radiyosi» ning ziyaritini qobul qilghanda bergen bayanatida, polsha bilen bélarusiye otturisidiki tosuqlarni rémont qilip, mustehkemlewatqanliqlirini éytti.
u polshaning rusiye we bélarusiye bilen bolghan chégrisigha istihkam we panah jaylarni berpa qilip qilmaydighanliqigha dair soalgha: «bu heqte, barliq pilanlar tüzülüwatidu» dep jawab berdi.
polsha 2022-yili 1-ayda qanunsiz köchmenlerning aldini élish üchün, bélarusiye bilen bolghan chégrasigha tosuqlarni ornitishqa bashlighanidi. égizliki 5.5 métir kélidighan, 407 milyon amérika dolliri serp qilinghan simliq métal tosuqlar 2022-yili 6-ayning 30-küni pütken idi.
polsha 2022-yilining axirlirimu rusiyening kaliningrad rayoni bilen bolghan chégrasigha tikenlik sim rishatka ornitishqa bashlighanidi.
