مۇسۇلمان پۇتبول چولپانلىرى مۇسابىقە ئەسناسىدا ئىپتار قىلدى
«Ajax» كوماندىسىنىڭ مۇسۇلمان پۇتبول ماھىرلىرىدىن مازرۇئىي ۋە زىيەچ چېمپىيونلۇقنى تالىشىش بىرلەشمىىسنىڭ «Tottenham» كوماندىسى بىلەن چۈشكەن مۇسابىقىسى جەريانىدا ئىپتار قىلدى.
تۈركىيە ئاۋازى رادىيوسى خەۋىرى: ياۋروپا پۇتبول فېدېراتسىيەلىرى بىرلىكى «UEFA» مۇسابىقىلىرىدا «Real Madrid» ۋە «Juventus» كوماندىلىرىنى ئارقىدا قالدۇرۇپ قويۇپ كاتتا تارىخ ياراتقان «Ajax» كوماندىسى يېرىم ھەل قىلغۇچ مۇسابىقىدا ئەنگلىيەنىڭ ئاتاقلىق كوماندىسى «Tottenham» بىلەن مەيدانغا چۈشتى.
ئامستېردام تەنتەربىيە زالىدا ئۆتكۈزۈلگەن مۇسابىقە جەريانىدا «Ajax» كوماندىسىنىڭ مۇسۇلمان پۇتبول ماھىرلىرىدىن ناسسىر مازرۇئىي ۋە ھاكىم زىيەچ ئىپتار قىلدى.
ماراكەشلىك بۇ ئىككى مۇسۇلمان پۇتبول چولپىنى مۇسابىقە باشلىنىپ 21 – مىنۇتىغا كەلگەندە مەيداننىڭ چېتىگىرەك چىقىپ، ئىپتار قىلدى.
مەركىزىي سىنئالغۇ بۇ كۆرۈنۈشلەرنى تارتمىغان بولسىمۇ، ئەمما مۇسابىقىنى نەخ مەيداندىن ئۇلاپ تارقاتقۇچى ئورگانلارنىڭ تارقىتىشلىرىدا ھەممىنىڭ دىققىتىنى قوزغىدى.
مۇسابىقىدا «Ajax» كوماندىسىنىڭ ئىككىنچى توپىنى مۇسابىقە جەريانىدا ئىپتار قىلغان مۇسۇلمان پۇتبۇل ماھىرى ھاكىم زىيەچ 35 – مىنۇتتا ۋارتاغا كىرگۈزدى.
مۇناسىۋەتلىك خەۋەرلەر
ئافغانىستاندىكى كەلكۈن ئاپىتىدە قازا قىلغانلارنىڭ سانى 300 دىن ئاشتى
ئافغانىستاننىڭ باغلان ۋىلايىتىدە يۈز بەرگەن كەلكۈن ئاپىتىدە قازا قىلغانلارنىڭ سانى 300 دىن ئاشتى.