shiwétsiyediki uyghur türklirige köchmenlik salahiyiti bérilidu
shiwétsiye uyghur aptonom rayonidin barghan uyghur türkliri we bashqa az sanliq musulman milletlerge köchmenlik salahiyiti bérilidighanliqini uqturdi.
türkiye awazi radiyosi xewiri: shiwétsiye köchmenler ishxanisining intérnét tor bétide bu heqte élan qilinghan bayanatta eskertilishiche, uyghur aptonom rayonidin shiwétsiyege bérip, siyasiy panahliq tiligen musulman uyghur türkliri bilen bashqa az sanliq musulman milletlerge köchmenlik salahiyiti bérilidiken. siyasiy panahliq tiligen kishilerning iltimasi biwasite qobul qilinidiken we chégradin qoghlap chiqirilmaydiken.
bayanatta, birleshken döletler teshkilati kishilik hoquq komitétining doklatida, xitaydiki yighiwélish lagérlirida tutuluwatqan uyghurlar sanining bir milyondin artuq ikenliki bayan qilinghanliqi tekitlinip mundaq déyilgen: «kishilik hoquqni közitish teshkilatining doklatigha asaslanghandimu, uyghur aptonom rayonidiki diniy erkinliklerge qarita cheklimilerning dairisi shunchilik kéngiyip ketkenki, rayonida islam dini emeliyette meniy qilinghan.»
igilinishiche, shiwétsiye uyghur maarip jemiyitining muawin mesuli ehmed tursun, bu heqte élan qilghan bayanatida, shiwétsiyening bu qararidin tolimu xursen ikenliklirini, bashqa gherb elliridinmu shundaq qarar chiqirishini kütüwatqanliqlirini éytqan.
مۇناسىۋەتلىك خەۋەرلەر
ezerbeyjan bash ministiri türkiyede ziyarette bolmaqta
ezerbeyjan bash ministiri eli esedof türkiyede dölet ishliri ziyaritide bolmaqta.
özbékistan bilen wéngiriye erkin iqtisadiy rayon quridu
özbékistanda wéngiriye we yawropa shirketliri üchün alahide erkin iqtisadiy rayon qurulidu.
