ikki yéngilmes bokis mahirining bir – birige élan qilghan doélliri hayajan yaratti
los anzhélésta 1 – dékabirda ötküzülidighan chong bokis musabiqisi hazirdin bashlapla hemmini hayajangha salmaqta.
türkiye awazi radiyosi xewiri: ikki bokis mahirining qoshma axbarat élan qilish yighinidiki qattiq talash – tartishliri hemmining diqqitini tartti.
ataqliq bokis shahi furriy reqibi wildérning élan qilghan doéllirigha berdashliq bérelmey yénigha bérishi bilen teng jiddiychilik yüz berdi.
amérikining bokis shahi wildérsning «méning aldimgha chiqishing üchün 2 ay waqting bar. nahayiti yaxshi teyyarliq qil» dégen sözlirige furriy qattiq ghezeplendi we: «2 aygha éhtiyajim yoq, xalisang kéler hepte axirida meydangha chüsheyli!» dep doél élan qildi.
«yéngilmesler» dep nam alghan ikki bokis mahiri deslepte aghzaki talash – tartish qilghandin kéyin, bir - birige étildi.
amanliqni saqlash xadimliri we paaliyetni orunlashturghuchilar ikki mahirni teslikte ayridi.
ikki yéngilmes mahirning kéler qétimliq musabiqisini hemmeylen teshnaliq bilen kütmekte.
«WBC» éghir derijilikler bokis musabiqisining chémpiyonluqini qoldin bermey kéliwatqan wildérs, meydangha chüshüshke bashlighandin buyanqi 40 meydan musabiqining héch biride yéngilip baqmighan bolup, reqibi furriymu meydangha chüshüshke bashlighandin buyanqi 27 meydan musabiqining héch biride birer qétimmu yéngilip baqmidi.
bokis saheside yéqinqi yillardin buyanqi eng muhim musabiqe, dep baha bériliwatqan furriy bilen wildérning musabiqisida, kim ghelibe qilsa, uning «WBC» éghir derijilikler bokis musabiqisining 3 perqliq türi boyiche chémpiyonluq kemirini qoldin bermey kéliwatqan ataqliq bokis shahi antoniy jusha bilen riqabetke chüshüshi mölcherlenmekte.
