biryussélda «ayallar we siyaset» témiliq ilmiy muhakime yighini ötküzüldi
adalet we tereqqiyat partiyesining bélgiyening paytexti biryusséldiki ish béjirish ornida «8 – mart xanim - qizlar bayrimi» küni munasiwiti bilen «ayallar we siyaset» témiliq ilmiy muhakime yighini ötküzüldi.
türkiye awazi radiyosi xewiri: adalet we tereqqiyat partiyesining biryussélda turushluq wekili ruhi achiqgöz yighinning échilishida qilghan sözide, ayallarning ijtimaiy we iqtisadiy hayatning ayrilmas bir qismi bolushini tekitlidi hemde türkiyede yéqinqi yillardin buyan keng qanat yayduruluwatqan jinsiy ayrimchiliqqa qarshi turush paaliyetliri arqiliq ayallarning jemiyettin tégishlik orun élishi üchün nahayti zor tirishchanliq körsitiliwatqanliqini qeyt qildi.
sabiq énérgiye we tebiiy bayliqlar ministiri tanet yildiz xanim – qizlarning ijtimaiy we siyasiy hayatqa qoshuwatqan töhpilirining nahayti zor hem muhimliqini tekitlesh bilen bir waqitta, ayallarning heq – hoquqlirini yenimu yüksek sewiyede qoghdashta türtklik rol oynaydighan we qanuniy küchke ige qilidighan yéngi belgilimilerning tüzüp chiqilidighanliqini eskertti.
