pütkül dunya musulmanlirining iptixari bolghan boks shahi axiretke uzitip qoyuldi
pütkül dunya musulmanlirining iptixari bolghan dunyagha dangliq boks shahi muhemmed eli amérika qoshma ishtatlirining kéntaki ishtatining loswillé shehiride axiretke uzitip qoyuldi.
türkiye awazi radiyosi xewiri: keng xelq ammisi muhemmed eli tughulghan kochigha seldek aqti, qanche on minglighan kishi muhemmed eligha bolghan söygüsini izhar qilip, uning tawutini élip mangghan aptomobilni güller bilen kömüwetti.
74 yéshida bu dunya bilen menggülük widalashqan muhemmed eli wesiyitige uyghun halda ötküzülgen murasimlar arqiliq axiretke uzitip qoyuldi.
muhemmed elining tawuti grand kochisidiki öyi, bokschiliqni ögengen tenterbiye zali, namidin tesis qilinghan muzéy we nami bérilgen kocha qatarliq jaylarda aylandurulghandin kéyin, aile ezalirimu ishtirak qilghan murasim arqiliq Cave Hill qebristanliqigha depne qilindi. murasimni köpligen döletlerdin kelgen yüzlerche téléwiziye qanalliri neq meydandin tarqatti. qebristanliqning kirish éghizi gül – chéchekler bilen tolup ketkenidi.
bu ariliqta, amérika pirézidénti barak obama axiretke uzitip qoyulghan boks shahi üchün körünüshlük bayanat élan qildi. bayanatida muhemmed elini «qehriman» dep teripligen obama u hayat waqtida özige hediye qilghan kitab we peleylerni körürmenler bilen ortaqlashti.
