11 مىليون كىشى خىتايدىكى ئىت گۆشى يېيىش فېستىۋالىنىڭ چەكلىنىشى ئۈچۈن ئىمزا توپلىدى

تۈركىيە ئاۋازى رادىيوسى خەۋىرى: مەلۇماتلارغا قارىغاندا، گۇاڭشىنىڭ يۈلىن شەھىرىدە خىتايلار 2009 – يىلدىن تارتىپ ھازىرغىچە ھەر يىلى ئۆتكۈزۈلۈۋاتقان فېستىۋالدا 40 مىڭدىن ئارتۇق ئىتنى سويۇپ، گۆشىنى يەيدىكەن.

ھايۋان سۆيەرلەر بۇ يىل 21 – ئىيۇن كۈنى باشلىنىشى پىلانلىنىۋاتقان فېستىۋالنىڭ مەنئىي قىلىنىشى ئۈچۈن ئىنتېرنېت ئارقىلىق ئىمزا توپلىغان، دۇنيانىڭ ھەرقايسى جايلىرىدا ئىشقا كىرىشتۈۈرۈلگەن بۇ پائالىيەتنى قوللايدىغانلارنىڭ سانى 11 مىليونغا يەتكەن. 20 دىن ئارتۇق ھايۋانلارنىڭ ھەق – ھوقۇقلىرىنى قوغداش پائالىيەتچىسى توپلانغان ئىمزالارنى يېنىدا ئېلىۋالغان ئىتلىرى بىلەن بىرلىكتە ئالاقىدار تارماقلارغا تاپشۇرۇپ بەرگەن.

ھايۋاناتلارنىڭ ھەق – ھوقۇقلىرىنى قوغداش پائالىيەتچىلىرى خىتايدىكى فېستىۋالنىڭ مەنئىي قىلىنىشىنى تەلەپ قىلسا، فېستىۋالنىڭ داۋاملىشىشىنى قوللايدىغانلار ئىت گۆشىنىڭ ئىنسانلارغا پايدىلىق ئىكەنلىكىنى ئىلگىرى سۈرمەكتە.