kapadokyani ziyaret qilghan sayahetchiler sani künséri ashmaqta
bu yilning aldinqi yette éyida türkiyening eng muhim sayahet merkezlirining biri bolghan kapadokya rayonidiki muzéy we xarabilerni 2 milyondin artuq sayahetchi ziyaret qildi.
türkiye awazi radiyosi xewiri: newshehir waliyliq mehkimisi bayanat élan qilip, b d t pen, maarip, medeniyet teshkilati – yunéskoning dunya medeniyet mirasliri tizimlikige kirgen kapadokyadiki muzéy we xarabilerning dölet ichi we sirtidin kelgen sayahetchilerni qarshi éliwatqanliqini bildürdi.
peri turxunliri we tebiiy tash shekilliri bilen qaplanghan menzirisi, tarixi, tebiiy we medeniyet bayliqliri bilen kishilerning diqqitini tartiwatqan kapadokyani, 1- aydin 7- ayghiche bolghan ariliqta 2 milyon 356 ming 49 adem ziyaret qildi.
bu jeryanda göreme ochuq hawa muzéyi 1 milyon 4 ming 666 ziyaretchi bilen tizimlikning aldinqi qataridin orun alghan bolsa, zelwe xarabisi 943 ming 669 adem bilen ikkinchi, qaymaqli yer asti shehiri 502 ming 137 sayahetchi bilen üchinchi qatardin orun aldi.
rayondiki muzéy we xarabilerni ötken yilning oxshash mezgilde 1 milyon 892 ming 112, 2021- yilining oxshash mezgilide 854 ming 449 dölet ichi we sirtidin kelgen sayahetchiler ziyaret qilghanidi.
مۇناسىۋەتلىك خەۋەرلەر
türkiye néfit shirkiti aqdéngizda néfit izdeydu
türkiye yéngi néfit saheliride néfit izdesh paaliyetlirini dawamlashturmaqta.
