erdoghan bilen sanchéz soda munbiri yighinigha qatnashti

dölitimiz (türkiye jumhuriyiti) jumhur reisi rejep tayyip erdoghan bilen ispaniye bash weziri pédro sanchéz 8 – nöwetlik ispaniye – türkiye hökümetler ara bashliqlar yighini dairiside, madridta chaqirilghan soda munbiri yighinigha qatnashti.

2152642
erdoghan bilen sanchéz soda munbiri yighinigha qatnashti

türkiye awazi radiyosi xewiri: türkiyedin 150 ge yéqin soda – sanaetchi bilen ispaniye soda – sanaetchilirini bir yerge jem qilghan soda munbiri yighinining échilishigha, jumhur reis rejep tayyip erdoghan bilen ispaniye bash weziri pédro sanchézmu ishtirak qildi.

jumhur reis erdoghan bu yerde qilghan sözide, israiliyening ghezzede yürgüzüwatqan qetliamlirigha yene bir qétim naraziliq bildürüp mundaq dédi:

«nöwette biz urush toxtitish chaqiriqlirigha qan töküsh arqiliq jawab qayturushtek tekebburluqqa duch kéliwatimiz. herqandaq wijdanliq bir döletning bundaq pozitsiyeni qobul qilishi esla mumkin emes.»

ispaniyening israiliyening zulum – sitemliri aldida namayan qiliwatqan meydanidin intayin minnetdar ikenliklirini eskertken jumhur reis erdoghan, mundaq dep körsetti:

«bash wezir sanchéz ependim (pelestin mesiliside) pirinsipal we aqilane siyasetni yolgha qoydi, bu arqiliq  pelestin we türkiye xelqining qelbidin chongqur orun aldi.»

erdoghan ispaniyening ghezzege tutqan pozitsiyesige rehmet éytti, hemde türkiyening dosti shimaliy atlantik ehdi teshkilatidiki ittipaqdishi ispaniye bilen bolghan munasiwetlirining her sahede nahayiti yaxshi ikenlikini tekitlep mundaq dédi:

«soda - sanaetchilirimizge oxshimighan sahelerdiki paaliyetlirimiz arqiliq yéngi hemkarliq pursetlirini yaritip bérishimiz kérek. shundaq qilghandila andin döletlirimizni parlaq kélechek menzilgahigha yetküzeleymiz.»

ispaniye bash weziri pédro sanchézmundaq dédi:

«türkiye ispaniye üchün muhim iqtisadiy shérik we rayonidiki muhim aktiyordur. ispaniye bilen türkiye her sahede munasiwetliri eng yaxshi döletler hésablinidu.»



مۇناسىۋەتلىك خەۋەرلەر