ئىستانبۇلغا ئالتە ئايدا 6 مىليون 755 مىڭ چەت ئەللىك ساياھەتچى كەلدى

تۈركىيە ئاۋازى رادىيوسى خەۋىرى: ئىستانبۇل ۋالىيسى ئەلى يەرلىكايا، ئىستانبۇلنى ئىيۇندا 1 مىليون 470 مىڭ 586، بۇ يىلنىڭ ئالدىنقى ئالتە ئېيىدا 6 مىليون 755 مىڭ 300 چەت ئەللىك ساياھەتچىنىڭ زىيارەت قىلغانلىقىنى ئېلان قىلدى.

ئىستانبۇل ۋالىيسى يەرلىكايا ئىجتىمائىي تاراتقۇدىكى ئادرېسىدا، ئىيۇن ئېيى ۋە 2022 – يىلىنىڭ ئالدىنقى ئالتە ئىستانبۇلغا كەلگەن چەت ئەللىك ساياھەتچىلەر سانىغا مۇناسىۋەتلىك ئۇچۇرلارنى ئورتاقلىشىپ: «مەدەنىيەت، تارىخ ۋە ساياھەتنىڭ مەركىزى ئىستانبۇلىمىزغا ئىيۇن ئېيىدا كەلگەن چەت ئەللىك ساياھەتچى سانى 1 مىليون 470 مىڭ 586 بولدى. بۇ يىلنىڭ ئالدىنقى 6 ئېيىدا شەھىرىمىزگە كەلگەن چەت ئەللىك ساياھەتچى سانى 6 مىليون 755 مىڭ 300. مېھمانلىرىمىزنىڭ تەڭداشسىز ئىستانبۇلىمىزغا كېلىشىنى كۈتمەكتىمىز» دېگەنلەرنى قەيت قىلدى.