bughday bahasi tarixtiki eng yuqiri nuqtigha yetti
bughday bahasi 13.63 dollargha chiqip, tarixtiki eng yuqiri nuqtigha yetti.
türkiye awazi radiyosi xewiri: ukraina-rusiye urushining teminlesh mesililirini küntertipke élip kélishi we barghanséri örlewatqan énérgiye bahalirining tesiride, mal bahalirida rékort buzush dawamlashmaqta.
ukraina-rusiye urushi sewebidin dunyaning bughday ambarliridin biri bolghan rayonda éhtiyajning ashidighanliqi toghrisidiki texminler, bughday bahasini rékort sewiyege chiqardi. buninggha, qaradéngizdiki bughday éksportchiliri bolghan ukraina bilen rusiyening 24-féwraldin bashlap urushta bolushi bilen, bughday we qonaq éksportini toxtap qélish nuqtisigha keltüridighanliqi toghrisidiki endishelerning küchlük tesir körsetkenliki bildürüldi.
bughday bahasi tünügünge (7-mart) sélishturulghanda %5 tin artuq éship 13.63 dollargha chiqqan we tarixtiki eng yuqiri nuqtigha yetken.
bughday bahasi ayliqi %30, yil béshigha (2022) sélishturulghanda %60 örligen.
künséri örlewatqan énérgiye maliyetliri, bolupmu bughday bahasining rékort sewiyege chiqishida muhim amil bolghan bolsa, ukraina-rusiye urushi we bu ramkida moskwa hökümitige yürgüzülgen qattiq émbargolarmu, ashliq bahasigha bolghan endishelerni kücheytken.
مۇناسىۋەتلىك خەۋەرلەر
türkiye néfit shirkiti aqdéngizda néfit izdeydu
türkiye yéngi néfit saheliride néfit izdesh paaliyetlirini dawamlashturmaqta.