ياۋروپا تەرەققىيات ۋە گۈللىنىش بانكىسىنىڭ تۈركىيەگە سالغان مەبلىغى رېكورت سەۋىيەگە يەتتى

تۈركىيە ئاۋازى رادىيوسى خەۋىرى: ياۋروپا تەرەققىيات ۋە گۈللىنىش بانكىسى تەرىپىدىن بۇ ھەقتە ئېلان قىلىنغان باياناتتا، بانكىنىڭ  تۈركىيەگە سالغان مەبلىغىنىڭ 20221 – يىلى 2 مىليارد ياۋروپاغا يەتكەنلىكى، بۇ مەبلەغنىڭ 85% تىن كۆپرەكىنىڭ خۇسۇسىي ئىگىلىككە، % 55 ىنىڭ سىجىل لايىھەلەرگە ئايرىلغانلىقى ئەسكەرتىلدى.

«كوۋىد – 19» يۇقۇمى كەلتۈرۈپ چىقارغان زەربىدىن كېيىن، خۇسۇسىي ئىگىلىكنىڭ ئەسلىگە كېلىشى ۋە ئۆتكۈنچى باسقۇچقا ئۆتۈشىگە ياردەم بېرىش مەقسىتىدە،  2021-يىلى تۈركىيەگە 2 مىليارد ياۋرو مەبلەغ سېلىنغانلىقى قەيت قىلىنغان باياناتتا، بانكىنىڭ ئۆز مەبلىغىدىن باشقا يەنە، ئالدىنقى يىلى باشقا مەنبەلەردىن 572 مىليون ياۋرولۇق مەبلەغ سېلىنىشىنىڭ ئىشقا ئاشۇرۇلغانلىقى، بۇنىڭ تارىختىكى ئەڭ يۇقىرى سەۋىيە ئىكەنلىكى تەكىتلەندى.