خوندا ياپونىيەدىكى ئىشلەپچىقىرىشىنى ۋاقىتلىق توختىتىشنى قارار قىلدى

تۈركىيە ئاۋازى رادىيوسى خەۋىرى: كىيودو ئاگېنتلىقىنىڭ خەۋىرىگە قارىغاندا، ئەقلىي ئىقتىدارلىق تېلېفون ۋە 5G تور ئۈسكۈنىلىرىگە بولغان ئۆزەك ئېھتىياجىنىڭ كۈنسېرى ئېشىشىغا ئەگىشىپ، ئاپتوموبىل ئىشلەپچىقارغۇچىلىرى ئۆزەك يېتىشمەسلىك مەسىلىسىگە دۇچ كەلگەن.

بۇنىڭغا ئاساسەن، خوندا شىركىتى 2- ئاۋغۇستتىن 6- ئاۋغۇستقىچە دۆلەتنىڭ غەربىي جەنۇبىغا جايلاشقان مىي ئۆلكىسىدىكى زاۋۇتلىرىدا ئىشلەپچىقىرىشنى توختىتىشنى قارار قىلغان بولۇپ، بۇ ئارىلىقتىكى ئىشلەپچىقىرىش پەرقى 9 – ئايدىكى دەم ئېلىش مەزگىلىدە تولدۇرۇلىدىكەن.

خەۋەردە كۆرسىتىلىشىچە، ياپون ئاپتوموبىل ئىشلەپچىقارغۇچىسى خوندا، مىي ئۆلكىسىدە كۈنىگە 2000 ماشىنا ئىشلەپچىقىرىدىكەن.