iqtisadiy islahat heriket pilanining waqit jedwéli élan qilindi

türkiye awazi radiyosi xewiri: türkiye jumhur reisi rejep tayyip erdoghan 12-mart (2021) élan qilghan, iqtisadiy sélinma, ishlepchiqirish, ishqa orunlashturush we éksportni asas qilghan halda iqtisadiy éshishqa qaritilghan «iqtisadiy islahat heriket pilani» ning waqtigha munasiwetlik ministirliqlar we idare-organlarning pilan- layiheliri éniq boldi.

xezine we maliye ministiri lütfi elwan twittérda hembehirligen uchurida: «iqtisadiy islahatlirimizning waqit jedwélini axirlashturduq. ministirliqimizning intérnét bétidin buni köreleysiler» dédi.

heriket pilani asasliqi 10 témidin terkip tapidighan bolup, 850 ming soda-téjaretchidin baj kechürüm qilish qanunigha munasiwetlik xizmetler yil (2021) axirighiche axirlishidu. 30-iyunghiche dölet organlirida aptomobil sétiwélish xirajetlirige cheklime qoyulidu.18  yashtin töwen xususiy pénsiye sistémisigha qoshulghan xizmetlermu axirlishidu. bahani muqimlashturush komitétimu 30-iyunghiche qurulidu.

merkiziy bankasi dijital pulning iqtisadiy, téxnologiye we qanuni uli, yil axirighiche axirlishidu.

iqtisadiy islahat heriket pilanining waqit jedwéli boyiche, iqtisadiy islahat pilanidiki barliq heriketler 2023-yilining mart éyighiche axirlishidiken.