ياۋروپا مەركىزىي بانكىسى ياۋرو رايونى ھەققىدە ئاگاھلاندۇردى

تۈركىيە ئاۋازى رادىيوسى خەۋىرى: دۇنيا ئىقتىساد مۇنبىرىنىڭ «2021 – يىللىق داۋوس كۈنتەرتىپى» يىغىنلىرى دائىرىسىدە تور مۇھىتى ئاستىدا «ئىقتىسادىي تەرەققىياتنى قايتا جانلاندۇرۇش» تېمىلىق سۆھبەت يىغىنى ئۆتكۈزۈلدى.

ياۋروپا مەركىزىي بانكىسىنىڭ باشلىقى كىرىستىن لاگاردې، سۆھبەت يىغىنىدا سۆزلىگەن نۇتىقىدا، 2020-يىلىنىڭ تۆتىنچى پەسىلدە ياۋرو رايونىنىڭ ئىقتىسادىي ساھەسىنىڭ دائىرىسىنىڭ تارىيىپ كەتكەنلىكىنى ئەسكەرتىش بىلەن بىر ۋاقىتتا، «كوۋىد – 19» يۇقۇمى مەزگىلىدە مەبلەغ يۈرۈشتۈرۈش شارائىتىنىڭ شىركەتلەر ۋە ئائىلىلەرگە ماس كېلىشى كېرەكلىكىنى تەكىتلەپ، مۇنداق دېدى: «يۇقۇمدىن كېيىن ئىقتىسادىي ئەھۋال باشقىچە بولىدۇ.»

گەرچە «كوۋىد – 19» يۇقۇمىنىڭ يېڭى تۈرلىرى ئەندىشە پەيدا قىلىۋاتقان ۋە بۇ دائىرىدە قاتتىق تەدبىرلەر قوللىنىلىۋاتقان بولسىمۇ، لېكىن، 2021 – يىلىنىڭ «ئىقتىسادنىڭ ئەسلىگە كېلىش يىلى» بولۇشىنى ئۈمىد قىلىدىغانلىقىنى ئېيتقان لاگاردې، ياۋرو رايونىنىڭ ئىقتىسادىي ھەققىدە توختىلىپ مۇنداق دېدى: «ياۋرو رايونى ئىقتىسادىنىڭ ئەسلىگە كېلىشى كېچىكىشى مۇمكىن، شۇڭا ئىقتىسادنىڭ ئەسلىگە كېلىش جەريانىنىڭ <رېلىستىن چىقىپ كېتىشى> گە يول قويماسلىق كېرەك.»