سەئۇدى ئەرەبىستانغا قىلىنغان ھۇجۇم، رۇسىيە بازىرىنى جانلاندۇردى
سەئۇدى ئەرەبىستانغا قىلىنغان ھۇجۇمدىن كېيىن نېفىت باھاسىدا كۆرۈلگەن ئۆرلەش سەۋەبىدىن رۇسىيە پايچېك بازىرى ۋە رۇبلىسىنىڭ قىممىتى ئېشىشقا باشلىدى.
تۈركىيە ئاۋازى رادىيوسى خەۋىرى: سەئۇدى ئەرەبىستاننىڭ دۆلەتلىك نېفىت شىركىتى «Saudi Aramco» غا تەۋە مۇئەسسىسەلەر ھۇجۇمغا ئۇچرىغاندىن كېيىن، نېفىت باھاسى ئېشىپ، ۋارىل باھاسى 66 دوللارغا ئۆرلىگەنلىكى سەۋەبىدىن موسكۋا پايچېك بازىزى كۆرسەتكۈچى كۈننىڭ دەسلەپكى يېرىمىدا %0.9 ئاشتى ۋە 2818 نۇمۇرغا ئۆرلىدى.
«Russia Trading System» رۇسىيە سودا سىستېمسىنىڭ كۆرسەتكۈچى %1.8 لىك ئېشىش بىلەن 1393 نۇمۇرغا يەتتى. رۇسىيە رۇبلىسىمۇ دوللارغا قارشى 1 - ئاۋغۇستتىن بۇيان تۈنجى قېتىم قىممەت يارىتىپ، ئەسلىدىكى 64 تىن 63.77 گە چۈشتى.
شەنبە كۈنى يەرلىك ۋاقىت سائەت 04:00 تە سەئۇدى ئەرەبىستاننىڭ دۆلەتلىك نېفىت شىركىتى «Saudi Aramco» غا تەۋە 2 مۇئەسسىسەگە يەمەندىكى خۇسىيلار تەرىپىدىن ئۇچقۇچىسىز ھاۋا ئاپپىراتى بىلەن ھۇجۇم قىلىنغان ئىدى.
ھۇجۇمدىن كېيىن سەئۇدى ئەرەبىستاننىڭ دۆلەتلىك نېفىت شىركىتى «Saudi Aramco» دۇنيا نېفىت ئىشلەپچىقىرىش نىسبىتىنىڭ %6 گە تەڭ كېلىدىغان كۈندىلىك 5 مىليون 700 مىڭ ۋارىل نېفىت ئىشلەپچىقىرىشىنى ۋاقىتلىق توختاتقانلىقىنى ئېلان قىلغان ئىدى.
مۇناسىۋەتلىك خەۋەرلەر
شىمشەك: يەرشارى مەبلەغ سالغۇچىلىرى تۈركىيەنىڭ ئىقتىسادىي پىلانىغا ئىشىنىدۇ
مىنىستىر مەھمەت شىمشەك ئامېرىكا قوشما ئىشتاتلىرىدىكى زىيارىتى ھەققىدە TRT گە بايانات بەردى.