tashqi soda qizil reqimi iyun éyida ashqan

türkiye awazi radiyosi xewiri:  türkiye istatistika idarisi iyun éy (2018) da éksport miqdarining ötken yiligha sélishturghanda %1.3 aziyip, 12 milyard 954 milyon dollar, import miqdariningmu %3.8 aziyip, 18 milyard 451 milyon dollar bolghanliqini élan qildi.

melumatlarda qeyt qilinishiche, yawropa ittipaqigha qilinghan éksport miqdari 2017-yilning oxshash mezgilidikige sélishturghanda %6.4 éship, 6 milyard 630 milyon dollargha yetken. yawropa ittipaqi türkiye éksportida 2017-yili iyunda %47.5 ni igiligen bolsa, 2018-yili iyunda %51.2 ni igiligen.

türkiye eng köp gérmaniyege mehsulat éksport qilghan bolup, iyun éyidiki éksport miqdari 1 milyard 308 milyon dollargha yetken. engliyege qilinghan éksport miqdari 882 milyon dollar bolup, ikkinchi orunda, 815 milyon dollarliq éksport miqdari bilen italiye üchinchi orunda, 627 milyon dollarliq éksport miqdari bilen amérika tötinchi orunda turghan.  

türkiye eng köp xitaydin import qilghan. türkiye iyun éyda xitaydin qilghan import miqdari 1 milyard 838 milyon dollargha yetken.  rusiyedin qilinghan import miqdari 1 milyard 794 milyon dollargha yetken we ikkinchi orunda turghan. 1 milyard 793 milyon dollarliq import miqdari bilen gérmaniye üchinchi orunda, 1 milyard 149 milyon dollarliq import miqdari bilen amérika tötinchi orunda turghan.