ياۋروپا ئىتتىپاقى كۆچمەنلەر ئۈچۈن تۈركىيەگە ياردەم بېرىشنى قارار قىلدى

تۈركىيە ئاۋازى رادىيوسى خەۋىرى: بېلگىيەنىڭ پايتەختى بىريۇسسېلدا چاقىرىلغان ياۋروپا ئىتتىپاقى باشلىقلار يىغىنى دائىرىسىدە تۈنۈگۈن كەچتە ئىتالىيەنىڭ توسقۇنلۇق قىلىشى سەۋەبىدىن بىردەكلىك ھاسىل قىلالمىغان رەھبەرلەر، بۈگۈن ئەتىگەن ئېلان قىلغان باياننامىسىدە، ياۋروپا ئىتتىپاقى – ئافرىقا مۇنبىرىگىمۇ 500 مىليون ياۋرو بېرىش توغرۇلۇق قارار چىقارغانلىقلىرىنى ئۇقتۇردى.

ئىتالىيە تۈركىيەدىكى كۆچمەنلەر ئۈچۈن  ئىككىنچى قېتىم 3 مىليارد ياۋرو بېرىشكە قارىتا چەكلىمىنى بىكار قىلىش ئۈچۈن ياۋروپا ئىتتىپاقى – ئافرىقا مۇنبىرىگە قوشۇمچە ياردەم بېرىشنى شەرت قوشۇۋاتاتتى.

ياۋروپا ئىتتىپاقى رەھبەرلىرى باياننامىسىدە، تۈركىيەدىكى كۆچمەنلەر ئۈچۈن ئىككىنچى قېتىم 3 مىليارد ياۋرو بېرىش توغرۇلۇق قارار چىقاردى.

تۈنۈگۈن كەچتە ئىتالىيە ياۋروپا ئىتتىپاقى باشلىقلار يىغىنىدا چىقىرىلىدىغان بارلىق قارارلارغا قارشى چىقىپ، 28 دۆلەت ئورتاق ئېلان قىلىدىغان باياننامىگە ۋاقىتلىق توسقۇنلۇق قىلغانىدى.