iqtisad ishliri ministiri nihat zeybekchi parizhda

türkiye awazi radiyosi xewiri: zeybekchi firansiyening paytexti parizhda chaqirilghan 5 – nöwetlik türkiye – firansiye iqtisad - soda komitéti yighinigha riyasetchilik qildi, hemde uchrishishliri dairiside, firansiye iqtisad ishliri ministiri bruno lé maré, firansiyening yawropa ittipaqi we tashqi ishlargha mesul dölet ministiri jéan baptisté lémoyné bilen ayrim – ayrim körüshti.

uchrishishliri heqqide melumat bergen zeybekchi,  nahayiti muweppeqiyetlik ötken yighinlarning türkiye karxanichiliri bilen firansiye soda – sanaetchilirini bir yerge jem qilghanliqini tekitlep mundaq dédi: «uchrishishlarda, ikki dölet shirketlirining üchinchi ellerdiki, türkiyediki we firansiyediki ortaq paaliyetlirini qollash hemde qolayliq yaritip  bérish, afriqa, ottura sherq, ortak köngül bölidighan mesililer heqqide muzakire élip barduq. shuning bilen bir waqitta, türkiye – yawropa ittipaqi otturisidiki tamozhna béji ittipaqi mesilisi toghruluq söhbet élip barduq. 2017 – yili étibari bilen 14.7 milyard dollar bolghan soda omumiy sommisini 2019 – yilning axirlirigha barghanda 20 milyard yawrogha yetküzüsh nishanini belgiliduq. bu heqte ayrim – ayrim xizmet ishleymiz.»