xelqara pul fondi teshkilati türkiyening kirédit derijisini yükseldürdi
xelqara pul fondi teshkilati türkiyening 2018 – we 2019 – yilliq kirédit derijisini % 4.3 ke yükseldürdi.
![xelqara pul fondi teshkilati türkiyening kirédit derijisini yükseldürdi](http://cdn.trt.net.tr/images/xlarge/rectangle/99f3/c741/ab3c/5aab637f2bebd.jpg?time=1719061778)
türkiye awazi radiyosi xewiri: xelqara pul fondi teshkilati argéntinaning paytexti buénus ayrésta chaqirilidighan «20 – g guruhigha eza döletler ministir derijilik rehberler we merkez bankiliri bashliqliri yighini harpisida, «yer shari xaraktérlik iqtisadiy tereqqiyat mölcherliri we siyasiy jehettiki qiyin ötkeller» namliq doklat élan qildi.
doklatta, yer shari xaraktérlik iqtisadiy tereqqiyatning bulturning ikkinchi yérimidin étibaren közge körünerlik derijide éishiwatqan sélinmilar we soda hejmi bilen birlikte yenimu yüksek sewiyege yetkenliki, köpligen döletlerning mölcherdikinmu yuqiri derijide tereqqiy qilishining 2018 – we 2019 – yilliq mölcherlerni yükseldürüshke seweb bolghanliqi eskertildi.
teshkilatning «yer shari xaraktérlik iqtisadiy tereqqiyat mölcherliri we siyasiy jehettiki qiyin ötkeller» namliq doklatining «milliy ishlepchiqirish omumiy qimmiti» namliq jedwilide, türkiyening iqtisadiy tereqqiyat mölchiri % 4.3 ke chiqirildi.
xelqara pul fondi teshkilatining 2017 – yili öktebirde élan qilghan «dunyaning iqtisadiy tereqqiyatigha nezer» namliq doklatida, türkiyening iqtisadiy tereqqiyat mölchiri % 3.5 bolidu dep élan qilinghan idi.
doklatta yene, türkiyening 2017 – yilliq iqtisadiy tereqqiyat mölchirimu % 5.1 tin % 6.3 ke yükseldürüldi.
xelqara pul fondi teshkilati yanwarda élan qilghan «dunyaning iqtisadiy tereqqiyatigha nezer» namliq doklatida, yer shari xaraktérlik iqtisadiy tereqqiyat mölchirini bu yil we kéler yili % 3.7 tin % 3.9 ke chiqarghan idi.
مۇناسىۋەتلىك خەۋەرلەر
![türkiye néfit shirkiti aqdéngizda néfit izdeydu](http://cdn.trt.net.tr/images/medium/rectangle/74b5/efb2/3a9b/666a9d4a83e85.jpg?time=1719061778)
türkiye néfit shirkiti aqdéngizda néfit izdeydu
türkiye yéngi néfit saheliride néfit izdesh paaliyetlirini dawamlashturmaqta.