tramp kohnning ornigha kudlowni teyinleshni oylishiwatqanliqini éytti

türkiye awazi radiyosi xewiri: donald tramp kaliforniye ziyaritidin ilgiri aqsarayda muxbirlarning soallirigha jawab berdi؛ u, muxbirlarning ötken hepte istépa bergen iqtisad ishliri bash meslihetchisi kohnning ornigha kimni teyinleydighanliqi toghrisidiki soaligha, nuqtiliq halda larriy kudlowni teyinleshni oylishiwatqanliqini éytip jawab berdi. tramp sözini dawamlashturup, «kudlowni nahayiti uzun waqittin béri tonuymen. hemme ishta oxshash oylimisaqmu, buni paydiliq, dep oylaymen. kudlow saylam seperwerliki mezgilide méni deslep qollighanlarning biri idi. u nahayiti iqtidarliq we yaxshi adem. larriy kudlowning kélish éhtimalliqi küchlük» dégenlerni qeyt qildi.

buningdin burun ronald régan mezgilide iqtisadshunas bolup wezipe ötigen we CNBC de özining pirogrammisini sunghan kudlow, wal sitrit tejribisige ige bolushi bilenmu diqqetni tartidu. u, yene trampning saylam seperwerlik xizmetliri mezgilide uni qollighan we meslihetchilik wezipisini üstige alghan aldinqi qatardiki kishilerning biri hésablinidu.

amérika taratqulirida orun alghan xewerlerge qarighanda, mikrosoft we général motorsning sabiq bashliqi chris liddélmu trampning iqtisad ishliri bash meslihetchilikige teyinleshni oylashqan namzatlarning biri iken.