amérika bölgünchi térrorluq teshkilati  p k k gha nahayiti köp miqdarda xamchot ajratti

türkiye awazi radiyosi xewiri: amérika dölet mudapie ministirliqining bu heqtiki höjjitige asaslanghanda, tramp hökümiti iraq we süriyediki meshq qildurush we qorallandurush pirogrammiliri üchün , 2018 – yilliq dölet mudapiesi xamchotidiki 64 milyard dollarliq dölet halqighan herbiy heriketler mebilighidin 1 milyard 769 milyon dollar ajratqan bolup, buningdin 1 milyard 269 milyon dollarliq qismi, iraqta dawamlashturuluwatqan meshq qildurush we qorallandurush pirogrammisi üchün, qalghan 500 milyon dollarliq qeismi süriyediki meshq qildurush we qorallandurush pirogrammisi üchün ajritilghan.

höjjette qeyt qilinishiche, süriyede daéshqa qarshi küresh üchün 25 ming kishi terbiyelengen, 5 ming kishi terbiyeliniwatqan bolup, 500 milyon dollarliq xamchotning 393 milyon dollarliq qismi qoral - yaragh we oq - dora üchün ayrilghan.

süriyediki meshq qildurush we qorallandurush pirogrammisi dairiside yardem bériliwatqan guruppilargha bérilidighan qoral – yaraghlar arisida tankigha qarshi qoral we rakétamiyut qatarliq éghir tipliq qorallarning bolushi diqqet qozghidi.

mezkur qoral - yaragh tizimlikidin 12 ming dane kalashinkof markiliq miltiq, 3500 dane éghir tipliq pilimot, amérikida ishlengen 3 ming dane RPG-7  we  1000 dane  AT-4 ,  rusiyede ishlengen SPG-9  tipliq tankigha qarshi qoral orun aldi.

buningdin bashqa yene, tizimliktin, 235 dane shrapnél atidighan zembirek, 100 dane mergen miltiqi, 450 dane PV-7  tipliq kéchilik durbun we 150 dane infra qizil nurluq durbun qatarliqlar orun aldi.

höjjette, qoral - yaragh bérilidighan guruppilar üchün «tekshürüshtin ötken süriyelik öktichiler» ibarisi ishitilgen bolsimu, bu qorallarning köp qismidin bölgünchi térrorluq teshkilati  p k k ning süriyediki gumashtisi p y d / y p g bashlamchiliq qiliwatqan süriye démokratik küchliri (s d g ) ning behrimen bolidighanliqi eskertildi.

buningdin bashqa yene, amérikining süriyening herqaysi rayonlirida yardem bériwatqan az sandiki daéshqa qarshi ereb guruppiliriningmu bu qorallardin paydilinidighanliqi qeyt qilindi.

amérika dölet mudapie ministirliqining xamchot hjjitide, mezkur qorallar bérilmigen teqdirde, amérikining daéshqa qarshi kürishining bir izda toxtap qalidighanliqi, shuning bilen, amérikining süriyediki shérik küchlerning ishenchisidin ayrilip qalidighanliqi ilgiri sürüldi.

ministirliq bu heqte bayanat élan qilishtin özini qachuruwatqan bir peytte, xamchotning öktebir éyida amérika dölet mejlisining testiqidin ötüshi kütülmekte.

aq saray ötken ay amérika dölet mudapie ministirliqigha  süriyede p y d / p k k térrorluq teshkilatigha reqqe herikiti dairiside qoral - yaragh we lazimetlik bérish hoquqi bergenidi.

dölet mudapie ministirliqi amérikining süriyede p y d / p k k térrorluq teshkilatini  qoral – yaragh bilen teminligenlikini hazirghiche gheyriy resmiy bolsimu ret qilip kelgenidi.

biraq ministirliq mushu heptining bashlirida tunji qétim p y d / p k k gha yénik tipliq qoral - yaragh we herbiy lazimetliklerni ewetkenlikini uqturghan, daéshqa qarshi küresh dairiside p y d / p k k gha dawamliq yardem bérilidighanliqini jakarlighanidi.