firansiyede may tügep ketti

türkiye awazi radiyosi xewiri: firansiyede néfit toshughuchi shopurlarning 26 – maydin bashlanghan ish tashlash namayishi sewebidin memliket miqyasdiki 241 may qachilash ponkitida may qalmidi.

paytext parizhning montiréul békitidiki may qachilash istansisi mesuli muhemmed zeyid, «zapas yighulghular aldinqi küni tügidi. tünügündin béri may kélishini kütüp turiwatimiz» dédi.

ruménwillediki yene bir may qachilash ponkitida bolsa, yéqilghu élish üchün barghan aptomobillar uzun öchiret shekillendurdi.

«Le Parisien» gézitining xewiride körsitilshiche, firansiye miqyasida saet 18:30 din bashlap jemiy 241 may qachilash ponkitida zapas may tügigen. 372 may qachilash ponkitida bolsa, zapas may tügesh aldida turidu.

xewerde parizh we etrapidiki jaylarda yéqilghu qisliqi mesilisining eng yuqiri pellige chiqqanliqi  bildürüldi.

néfit toshughuchi shopurlar xizmet waqtigha naraziliq bildürmekchi bolghan bezi uyushmilarning chaqiriqigha awaz qoshup, 26 – mayda ish tashlashni bashlighan idi.

omumiy xizmet konfédératsiyening bildürüshiche, aldinqi küni néfit toshughuchi shopurlarning %70 dégüdek ish tashlash namayishigha qatnashqan.

bu ariliqta bezi shopurlarning parizhdin 72 – kélométir uzaqliqtiki girandputis we la rochélle sheherige jaylashqan néfit pishshiqlash ishlesh zawutlirini qamal qiliwalghanliqi bildürülmekte.