baku – tiflis – qars tömür yoli qurulushi axirqi basquchigha kirdi

türkiye awazi radiyosi xewiri: qatnash, déngizchiliq we uchur – alaqe ishliri ministiri ehmed arslan qarsta söz qilip, baku – tiflis – qars tömür yoli qurulushining pütüsh basquchigha qedem qoyghanliqigha isharet qilghan halda, «ikki ay ichide qurulush xizmitini tamamlap, uningdin kéyinki ikki ayliq jeryanda sinaqtin ötküzüp, iyun éyi ichide baku – tiflis – qars layihesi bilen birlikte dizél parawuz ishlitishke ötüshni pilanlawatimiz» dédi.

bu tömür yol layihesining yalghuz türkiye üchünla emes, türkiye arqiliq soda qilishni xalaydighan pütkül dunya elliri üchünmu muhim ikenlikini eskertken arslan, «xitay, qazaqistan, türkmenistan, ezerbeyjan, giruziyedin kelgen yükler dölitimiz arqiliq yawropagha yétip baridu» dédi.

xitaydin yawropa ittipaqi ellirige, dunya bazirigha baridighan bir mehsulat üchün déngiz yoli arqiliq 45 kün bilen 60 ariliqida waqit kétidighanliqini bildürgen ministir ehmet arslan, yene rusiye, shimal karidori arqiliq kélidighan bir mehsulatningmu adrésigha yétip bérishi üchün bir aydin artuq waqit kétidighanliqini eskertti.

ministir arslan, baku – tiflis – qars tömür yolining waqit we chiqim israpchiliqini azaytidighanliqini qeyt qildi.