türkiye – italiye soda – iqtisad munbiri yighini chaqirilidu
iqtisad ishliri ministiri nihat zeybekchi bu yil türkiye – italiye soda – iqtisad munbiri yighini chaqirishni nishan qiliwatqanliqlirini éytti.
türkiye awazi radiyosi xewiri: iqtisad ishliri ministiri nihat zeybekchi italiye iqtisad we tereqqiyat ishliri ministiri karlo kalénda riyasetchilikide istanbulda chaqirilghan türkiye – italiye soda – iqtisad qoshma komitéti yighinida qilghan sözide, ikki döletning üchinchi döletlerde birlikte paaliyet élip baridighanliqini we u yerdiki imkaniyetlerdin ortaq behrimen bolidighanliqini tekitlep mundaq dédi: «türkiye bilen italiye reqib emes, eksiche bir – birini tamamlash alahidilikige ige döletler hésablinidu. italiye iqtisad we tereqqiyat ishliri ministiri karlo kalénda bilen birlikte ortaq qararlarni alduq. eng qisqa waqit ichide muhim layihelerni we shirketlerni bir yerge jem qilip, nahayti zor ehmiyetke ige bir basquchni ishqa kirishtürimiz.»
italiye iqtisad we tereqqiyat ishliri ministiri karlo kalénda enqerening italiyening yawropada daima türkiyeni qollaydighanliqigha ishinishini ümid qilidighanliqini qeyt qildi.
tamozhna birliki kélishimini yéngilash lazimliqini eskertken kalénda buninggha munasiwetlik söhbet basquchini téz ishqa kirishtürüshning zörürlükini tekitlidi.
مۇناسىۋەتلىك خەۋەرلەر
türkiye néfit shirkiti aqdéngizda néfit izdeydu
türkiye yéngi néfit saheliride néfit izdesh paaliyetlirini dawamlashturmaqta.
