2017: türkiyening iqtisadta duél élan qilish yili

türkiye awazi radiyosi xewiri: zeybekchi yéqinqi aylarda chet ellik meblegh salghuchilargha qolayliq yaritip bérish meqsitide qanun – belgilimilerge özgertish kirgüzülgendin kéyin, chet ellik karxanichilarning bes – beste türkiyege meblegh sélishqa bashlighanliqini tekitlep mundaq dédi: «dölitimizni 430 milyard dollarliq tashqi sodisining % 10 – 15 lik qismini milliy pul arqiliq ishqa ashuralaydighan halgha keltrüüshni nishan qiliwatimiz.»

xelq bankisining bash diréktori eli fuat tashkesenoghlu bu yil üchün ümidwar ikenliklirini éytti. pul siyasitidiki tengpungluqlarning banka ölsümlirige ijabiy tesir körsitidighanliqini eskertken tashkesenoghlu: «bazarlar téximu janlinidu. pul – muamile ishlirida türk lirasigha mayil bolush we xelqimizning bu heqtiki angliq pozitsiyesining türtkiside  péréwot nisbitidiki bésimgha taqabil turghili bolidu dep qaraymen» dédi.

«‹star› géziti», «pirosféra (ot chembiriki) gha qarimay éksportta ümid yéngilandi» serlewhilik xewiride, töwendiki uchurlarni oqurmenliri bilen ortaqlashti:

fethullahchi térrorluq teshkilatining 15 – iyul herbiy isyan urunushi, térrorluq weqeliri, rayonluq we yer shari xaraktérlik özgirishlerningmu tesiri bilen nahayti musheqqetlik bir yilni arqida qaldurghan türkiyening éksporti dékabir éyda ümid béghishlidi. éksport dékabirda % 9.3 éship, 12.82 milyard dollargha yetti. bultur eng köp éksport 19 milyard 807 milyon dollar bilen aptomobillar bolghanidi.

iqtisad ishliri ministiri nihat zeybekchi 2016 – yilning axirqi küni bergen bayanatida, «etrapimizdiki ot chembirikige qarimay dékabir  éyini % 8 – 10 lik éshish bilen tamamlaymiz» dégenidi.