parizhgha baridighan sayahetchiler sanida éghir töwenlesh körüldi

türkiye awazi radiyosi xewiri: 2015 – yili 13 – noyabirda parizhni qangha boyighan térrorluq hujumi toghrisida taratqulargha melumat bergen parizh rayonluq sayahet komitéti bashliqi frédérik wallétuks, «bu yil 1 – yanwardin 31- öktebirgiche bolghan ariliqta parizhgha kelgen sayahetchi sani ötken yilning oxshash mezgilige sélishturghanda, 1 milyon 800 ming adem azaydi» dédi.

ötken yili parizhgha 47 milyongha yéqin sayahetchining kelgenlikini bildürgen wallétuks, bu yilning deslepki 10 éyida ötken yilning oxshash mezgilige sélishturghanda, chet ellik sayahetchi sanining %8.1 töwenlep ketkenlikini qeyt qildi. u, bolupmu yaponiyelikler bilen xitaylarning parizhgha bolghan qiziqishining suslap ketkenlikini bildürüp, «yapon sayahetchi sani %39, xitay sayahetchi sani %23, gérman sayahetchi sani bolsa, ötken yiligha sélishturghanda %10 töwenlep ketti» dédi.

wallétuks, parizhgha kélidighan sayahetchiler sanining töwenlep kétishining hazirdin bashlapla 1 milyard yawro iqtisadiy ziyan keltürüp chiqarghanliqini, bu mayilliq dawamlishidighan bolsa, ziyanning 1 yérim milyardqa yétishining texmin qiliniwatqanliqini sözlirige ilawe qildi.