rusiye bélarusiyege néfit éksportini azaytidu

türkiye awazi radiyosi xewiri: rusiye énérgiye ministiri aléksandir nowak pétérsburg shehiride ötküzülgen xelqaraliq iqtisad munbiride qilghan sözide, bu yil (2016) ning tunji charikide bélarusiyege éksport qilinishi pilan qilinghan 250 ming tonna néfitning 89 ming tonniliq qismini ewetkenlikini, yilning ikkinchi charikide hazirche néfit éksport qilinmighanliqini bildürdi. u bélarusiyege qerzini tölimigenliki üchün néfit éksportini azaytidighanliqlirini, hazirche qanchilik miqdarda néfit tutup qélishning békitilmigenlikini eskertti.

rusiyening eng chong tebiiy gaz shirkiti hésablinidighan gazprom bélarusiyediki dölet igidarchiliqidiki shirketlerdin gaz pulini  alalmighanliqi üchün may éyida xelqaraliq sotqa erz sunghan idi.

bélarusiye dairiliri ötken ay néfit bahasidiki töwenlesh sewebidin gazpromdin bahada étibar qilishni telep qilghan, emma bu telep ret qilinghan idi.