rusiyede memurlarning maashi qazaqistanning sewiyesige chüshüp qaldi

türkiye awazi radiyosi xewiri: moskwadiki iqtisadshunasliq aliy téxnikomining «rusiye xelqining ijtimaiy – iqtisadiy ehwaligha nezer» namliq doklatigha asaslanghanda, rusiyede bultur memurlarning otturiche maashi aldinqi yilning oxshash mezgildikige sélishturghanda % 34 aziyip, 558 dollargha chüshüp qalghan. rubléning qimmiti chüshüp ketkenliktin rusiyediki memurlarning maashi qazaqistandiki memurlarning otturiche maash sewiyesige chüshüp qalghan.

Sberbank  ning bash analizchisi mixail matownikow ilgiri bu heqte toxtalghanda, rusiyede bu yil memurlarning otturiche maashining 450 dollardin töwenlep ketkenlikini, jümlidin dölettiki memurlarning otturiche maashining xitayningkidin az ikenlikini bildürgenidi.

rusiye fédéral istatistika orgini Rosstat ning doklatida eskertilishiche, rusiyede aprél éyida kirim nisbiti aldinqi yilning oxshash mezgildikige sélishturghanda % 7.1 töwenlep ketken.

rusiye iqtisad ministirliqining aldinqi heptilerde hökümetke sunghan teklipige asaslanghanda, rusiyede bu yildin bashlap 2019 – yilghiche memurlarning maashi qisilidiken, bu arqiliq 2019 – yiligha barghanda % 4.5 lik milliy ishlepchiqirish omumiy qimmiti yükseldürülidiken.