téxnélogiyening yéngi mehsulatliri yermenkige qoyuldi

türkiye awazi radiyosi xewiri: bérlinda türkiye shamili chiqmaqta؛ alem boshluqi we awiatsiye saheside dunyaning sanaqliq yermenkiliridin biri bolghan «ila» ning bu yilqi méhman döliti türkiye.
40 dölettin 1200 shirket ishtirak qilghan yermenkide téxnélogiyening yéngi mehsulatliri körgezme qilinmaqta.
échilish lintisini gérmaniye bash ministiri angéla mérkél bilen qatnash, déngizchiliq we uchur – alaqe ishliri ministiri lütfi elwan kesken yermenkide, türkiye dunyaning chong shirketliri bilen hemkarliq ornitidu.
türkiye mudapie sanaitining bayraqdar organliridin ASELSAN, ikki chong shirket ayrbas we rolls roys bilen istratégiyelik hemkarliq kélishimi imzalidi. ASELSAN idare heyiti bashliqi hasan janpolat, kélishimning dunya miqyasida nahayiti muhim utuqlarni yaritidighanliqini éytti.
mudapie sanaitide aldinqi qatardin orun éliwatqan organlardin ROKETSAN mu ayrbas shirkiti bilen kélishim imzalidi. türkiye 25- mayghiche dawamlishidighan yermenkige mudapie sanaiti bashqarmisining orunlashturushi bilen puqralar we eskiriy awiatsiye saheside paaliyet élip bériwatqan 17 shirket bilen ishtirak qilmaqta.