ئەزەربەيجاندا مىنا پارتلاپ بىر پۇقرا قازا قىلدى

تۈركىيە ئاۋازى رادىيوسى خەۋىرى: ئەزەربەيجان باش تەپتىش مەھكىمىسى بايانات ئېلان قىلىپ، فۇزۇلى ۋىلايىتىنىڭ يۇقارى ياغلىۋەنت يېزىسىدا ئۈچ پۇقرا ئولتۇرغان بىر ئاپتوموبىلنىڭ مىناغا بېسىۋالغانلىقىنى، پارتلاشتا ئاپتوموبىلدىكى بىر كىشىنىڭ قازا قىلغانلىقى، قالغان ئىككىسىنىڭ يارىلانغانلىقىنى ئۇقتۇردى.

پارتلىغان مىنانىڭ ئىشغال مەزگىلىدە ئەرمېنىيە قىسىملىرى تەرىپىدىن كۆمۈلگەنلىكى قەيت قىلىندى.

بۇنىڭدىن ئىلگىرىمۇ ئەرمېنىيە ئارمىيەسى تەرىپىدىن ئورۇنلاشتۇرۇلغان مىنالارنىڭ پارتلىشى نەتىجىسىدە ئەزەربەيجانلىق پۇقرا ۋە ئەسكەرلەر ھاياتىدىن ئايرىلغانىدى.