erdoghan iran muawin pirézidénti muxbir bilen téléfonlashti

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi yazma bayanat élan qilip, jumhur reis erdoghanning muawin pirézidént muxbirgha iran pirézidénti ibrahim reisi, tashqi ishlar ministiri hüseyin emir abdullahiyan we ularning hemrahliqidikilerning tik uchar hadisiside qaza qilghanliqidin chongqur qayghurghanliqini ipadilep, teziye bildürgenliki we sewr tiligenlikini bildürdi.

bayanatta körsitilishiche, türkiyening bu azabliq künlerde iranning yénida turup, iran xelqining qayghusini ortaqlishidighanliqini bayan qilghan erdoghan, türkiyening buningdin kéyinmu iran bilen bolghan qoshnidarchiliq we qérindashliq burchini ada qilishni dawamlashturidighanliqini tekitligen.

jumhur reis erdoghan yene, reisi bilen abdullahiyanning türkiye we iran munasiwitige qoshqan töhpisining menggü este saqlinidighanliqini qeyt qilghan.