xaqan fidan riyadta bir qatar diplomatik uchrishishlarni ötküzdi

türkiye awazi radiyosi xewiri: diplomatik menbelerdin igellengen melumatlargha asaslanghanda, ghezze yighinlirigha qatnishish üchün seudi erebistan paytexti riyadqa yétip barghan tashqi ishlar ministiri xaqan fidan, pelestin bash ministiri we tashqi ishlar ministiri muhemmed mustafa bilen téléfonda körüshken.

körüshüshte, ghezze we iyordan deryasining gherbiy qirghiqining nöwettiki weziyiti, pelestin dölitini téximu köp döletlerning étirap qilishgha érishtürüsh tirishchanliqliri muzakire qilinghan.

xaqan fidan riyadta buningdin bashqa, iyordaniye tashqi ishlar weziri eymen essafedi bilen yüzturane körüshüp, ghezzediki qetliamlarning toxtitilishi üchün isirailiyege qaritilghan bésimlarni kücheytidighan we téximu köp döletlerning pelestin dölitini étirap qilishini qolgha keltürüsh tirishchanliqlirini muzakire qilghan.

u norwégiye tashqi ishlar ministiri éspén bars éydé bilenmu körüshüp, nato ramkisida ikki dölet otturisidiki hemkarliq mesililirini we isirailiyege qaritilghan bésimlarni kücheytish mesililirini muzakire qilghan.