erdoghan: nétanyahu iran-isirailiye jiddiychilikining jawabkari
jumhur reis rejep tayyip erdoghan iran-isirailiye jiddiychilikining birdinbir jawabkarining bash ministir nétanyahu ikenlikini éytti.
türkiye awazi radiyosi xewiri: jumhur reis rejep tayyip erdoghan isirailiye bash ministiri nétanyahuning iran-isirailiye jiddiychilikining birdinbir jawabkari ikenlikini bildürüp: «ghezzede zulum we irqiy qirghinchiliq toxtimighiche rayonimizda yéngi jiddiychiliklerning yüz bérishi muqerrer» dédi.
rejep tayyip erdoghan tünügün (16-aprél) kabént yighinini axirlashturup muhim bayanatlarni élan qildi.
u tél awiw bilen téhran otturisida küchiyiwatqan jiddiychlik üstide toxtilip: «ghezzede 193 kündin buyan dunyaning köz aldida irqiy qirghinchiliq yürgüzgen we buninggha qarshi qozghalghan ammining bésimini azaytish üchün her türlük hiyle-neyrenglerni ishletken nétanyahuning del özi. 13-aprél kéchisi hemmimizni ensiretken jiddiychilik (iranning isirailiye qilghan hawa hujumi) ning birinchi jawabkari nétanyahu we uning közi qangha tolghan hökümitidur» dédi.
u türkiyening, bolupmu yéqinqi ikki kündin buyan ghezzediki qetliamlarning arqa pilangha ötüp qalmasliqi üchün diplomatik tirishchanliqlarni kücheytiwatqanliqini bildürüp: «otni téximu ulghaytish we nétanyahu hökümitinimu toxtimay ilhamlandurush héchkimge payda élip kelmeydu. ghezzede zulum we irqiy qirghinchiliq toxtimighiche rayonimizda yéngi jiddiychiliklerning yüz bérishi muqerrer» dédi.
