ئەردوغان ئىسمائىل ھەنىييەگە تەزىيە بىلدۈردى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى جۇمھۇر رەئىسلىك مەھكىمىسى ئۇچۇر – ئالاقە ئىشلىرى ئىدارىسى بايانات ئېلان قىلىپ، جۇمھۇر رەئىس ئەردوغاننىڭ ئىسمائىل ھەنىييە بىلەن تېلېفونلاشقانلىقىنى ئۇقتۇردى.

باياناتتا كۆرسىتىلىشىچە، ئىسرائىلىيەنىڭ ھۇجۇمىدا بالىلىرى ۋە نەۋرىلىرى شېھىت بولغان ئىسمائىل ھەنىييەگە تەزىيە بىلدۈرۈپ، ھال سورىغان جۇمھۇر رەئىس ئەردوغان، تېلېفون سۆھبىتى جەريانىدا، ئىسرائىلىيەنىڭ قانۇن ئالدىدا سادىر قىلغان جىنايەتلىرىنىڭ جاۋابكارلىقىنىڭ چوقۇم تارتىلىدىغانلىقىنى بىلدۈرگەن.

بۇ دائىرىدە يەنە، مۇئاۋىن جۇمھۇر رەئىس جەۋدەت يىلمازمۇ ئۆزىنىڭ ئىجتىمائىي تاراتقۇدىكى ئادرېسىدا ئۇچۇر ھەمبەھرىلەپ، ئۈچ ئوغلى بىلەن تۆت نەۋرىسى ئىسرائىلىيەنىڭ ھۇجۇمىدا شېھىت بولغان ئىسمائىل ھەنىييەگە تەزىيە بىلدۈرگەن.