20 dölet guruhi tashqi ishlar ministirliri yighini bashlandi
fidan xelqara jemiyet we 20 dölet guruhini ghezzede urush toxtitish we pelestin mesilisini ikki döletlik hel qilish charisini emeliyleshtürüsh üchün téximu aktip rol oynashqa chaqirdi.
türkiye awazi radiyosi xewiri: 20 dölet guruhi tashqi ishlar ministirliri yighini biraziliyening sahibxanliqida riodé zhanéyroda bashlandi.
yighinda, ukrainadiki özgirishler, israiliyening ghezzege qaratqan hujumliri, yershariwi soghuqchiliqlar, köp yönilishlik teshkilatlarni kücheytish, kilimat özgirishige taqabil turush, namratliqni azaytish we yer sharini bashqurush méxanizmini islah qilish qatarliq mesililer muzakire qilinidu.
xaqan fidan tashqi ishlar ministirliri yighinining birinchi bölidiki sözide, ghezzediki rehimsizlikni baldurraq toxtitish kéreklikini tekitlep, xelqara jemiyet we 20 dölet guruhini urush toxtitish we pelestin mesilisini ikki döletlik hel qilish charisini emeliyleshtürüsh üchün téximu aktip rol oynashqa chaqirdi.
fidan yighinning «20 dölet guruhining dawamlishiwatqan xelqara jiddiy weziyettiki roli» témiliq qismining ishtirakchilirigha xitab qilip, rusiye-ukraina urushining ikkinchi yilini arqida qaldurghanliqini eskertken halda, türkiyening herqaysi tereplerning diplomatiyege yüzlinip, söhbet arqiliq chare tépishini ümid qilidighanliqini we bu yönilishtiki tirishchanliqlirini dawamlashturidighanliqini qeyt qildi.
xelqara jemiyetning yer sharidiki tengsizlik, adaletsizlik, iqtisadiy qiyinchiliq, muhit mesilisi we süniy idrak qatarliq bösüsh xaraktérlik téxnikilar élip kelgen nurghun xirislargha duch kelgenlikini otturigha qoyghan fidan, yershari diplomatiyesi we 20 dölet guruhining barliq kirizis rayonlirida ortaq heriket qilish éngini yuqiri kötürüshining muhimliqini tekitlidi.
dunyadiki 20 chong iqtisadiy gewdini birleshtürgen 20 dölet guruhi bashliqlar yighini noyabirda yene riodé zhanéyroda ötküzülidu.
