xaqan fidan amérika bilen iranning kontrolluq toqunushi üstide muhim söz qildi
tashqi ishlar ministiri xaqan fidan amérika bilen iranning kontrolluq toqunushi heqqide toxtilip: «ehwal yaxshi emes, téximu chong (urush) kéngiyip kétishige duch kélishimiz mumkin» dédi.
türkiye awazi radiyosi xewiri: tashqi ishlar ministiri xaqan fidan bir téléwiziye pirogrammisigha qatniship, küntertiptiki meslilerge dair soallargha jawab berdi.
xaqan fidan amérikaning iran qollawatqan guruppilargha qilghan hujumigha munasiwetlik soalgha qarita: «amérika ot bilen oynishiwatidu» dep jawab berdi hemde: « ot bilen oynashsingiz, u ot her qandaq waqitta ot apitige aylinishi mumkin. u chaghda kontrolluqtin chiqip kétishi mumkin. biz bu yerde xewpke duch kelmektimiz. buni kontrolluq astigha alalmasliq mesilisi tehdit süpitide bizning aldimizda turuptu»dédi.
xaqan fidan türkiyening rayondiki shérikler we amérika bilen toxtimay söhbetlishiwatqanliqini bildürüp: «rayon xaraktérlik (urush) kéngiyip kétishtin saqlinishimiz kérek, weziyet yaxshi emes, téximu chong (urush) kéngiyip kétishige duch kélishimiz mumkin» dédi.
amérika dölet mudapie ministirliqining bayanatida, aldinqi küni kechte süriye we iraqta iran inqilabiy muhapizet qisimlirining quddus armiyesige chétishliq qoralliq guruppilargha tewe kem dégende 85 nishanning hawadin bombardiman qilinghanliqini, yemendimu 13 rayon we 36 nuqtigha hujum qilinghanliqi bildürülgen idi.
