alper gezerawjining yersharigha qaytishi yene bir qétim kéchiktürüldi

türkiye awazi radiyosi xewiri: SpaceX shirkiti teripidin élan qilinghan bayanatta, florida sahilliridiki nachar hawarayi sharaitining qaytishqa muwapiq emesliki bildürüldi.

bayanatta, ejdirha kapsulining xelqara alem ponkitidin ayrilishi üchün eng baldur bolghanda 6 - féwral seyshenbe künining pilanlanghanliqi uqturuldi.

sanaet we téxnika ministiri mehmet fatih kachir bu heqtiki bayanatida: «türkiyening tunji alem uchquchisi alper gezerawjini qarshi élish üchün yene bir az saqlaydighan bolduq» dédi.

alem uchquchisi alper gezerawji we etritining dunyagha qaytish sepirining texminen 13 saet dawamlishishi mölcherlenmekte.

etretni élip mangghan kapsul atlantik okyan we gherbiy méksika qoltuqigha jaylashqan 7 nuqtidin birige qonidu.

kapsul sugha chüshkendin kéyin, alem uchquchiliri paraxotqa élinip, tunji tekshürüshliri shu yerde bashlinidu.

etret tik uchar bilen paraxottin ayrodromgha, andin ayropilan bilen hostongha élip kélinidu.

ayropilandiki doxturlarmu bu uchush jeryanida alem uchquchilirigha qarita omumiy tekshürüsh élip baridu.

alem uchquchiliri hostonda saghlamliq tekshürüshidin ötüp, bir mezgil karantinada qalidu.