نۇمان قۇرتۇلمۇش ئەرەب بىرلەشمە خەلىپىلىكى دۆلەت رەئىسى بىلەن كۆرۈشتى

تۈركىيە ئاۋازى رادىيوسى خەۋىرى: تۈركىيە بۈيۈك مىللەت مەجلىسى باشلىقى نۇمان قۇرتۇلمۇشنىڭ ئەبۇزەبىدىكى قەسر ئەل باھار سارىيىدا ئەل نەھيان بىلەن ئۆتكۈزگەن ئۇچرىشىشىدا، ئىككى تەرەپلىك مۇناسىۋەتلەر شۇنداقلا رايون خاراكتېرلىك ۋە خەلقئارلىق مەسىلىلەر مۇزاكىرە قىلىندى.

نۇمان قۇرتۇلمۇش ئۇچرىشىشتا، تۈركىيە-ئەرەب بىرلەشمە خەلىپىلىكى مۇناسىۋەتلىرىنىڭ يېتىپ كەلگەن نۆۋەتتىكى سەۋىيەسىدىن مەمنۇن بولغانلىقىنى تىلغا ئېلىپ، ئىككى دوست ۋە قېرىنداش دۆلەت ئوتتۇرىسىدىكى ھەمكارلىقنىڭ ناھايىتى ياخشى سەۋىيەدە ئىكەنلىكىنى شۇنداقلا ھەر ساھەدە داۋاملىق تەرەققىي قىلىشىنى ئۈمىد قىلىدىغانلىقىنى بىلدۈردى.